Вазир ўз нутқида бугунги глобал ахборот маконида таълим соҳасида амалга оширилаётган ислоҳотларни аҳолига содда, тушунарли ва таъсирчан шаклда етказиш муҳим аҳамият касб этишини таъкидлади. Шунингдек, ижтимоий тармоқларда кўтарилаётган масалаларга тезкор, холис ва асосли муносабат билдириш матбуот хизматларининг устувор вазифаларидан бири эканлиги қайд этилди.

Тадбир якунида матбуот котиблари ўзларини қизиқтирган саволларга жавоб олиб, соҳадаги долзарб масалаларни тизимли ҳал этиш юзасидан таклиф ва мулоҳазаларини билдирдилар.

Маълумот учун, жорий йилнинг 9–10 июнь кунлари «Замонавий матбуот хизмати: стратегик коммуникациялар ва рақамли контент» мавзусида ўқув-тренинглари ташкил этилмоқда.

Мазкур ўқувларда вазирликнинг ҳудудий бошқармалари, Педагогик маҳорат марказлари ва тизим ташкилотлари матбуот котиблари иштирок этмоқда. Машғулотлар Абдулла Авлоний номидаги Педагогик маҳорат миллий институтида ташкил этилган.